Avropa Liqasının III təsnifat mərhələsində "Qəbələ"nin rəqibi olan "Panatinaikos" heyətini gücləndirmək üçün hərəkətə keçib.
Milli.Az apasport.az-a istinadən xəbər verir ki, yunanlar müdafiənin sol cinahını gücləndirmək istəyir.
İtaliyanın məşhur "tuttomercatoweb" saytı bildirib ki, "yoncalar" braziliyalı Qabriel Silva ilə razılığa gəliblər. Sol cinah müdafiəçisi ilə "Qəbələ" ilə ilk oyundan sonra rəsmi müqavilə imzalanacaq.
Qeyd edək ki, müqavilə ilə "Udineze"yə məxsus olan 26 yaşlı oyunçu son mövsümü icarə əsasında "Qranada"da keçirib.
Milli.Az
