Müğənni Şəbnəm Tovuzlunun konsertində izdiham yaşanıb.
Publika.az xəbər verir ki, dünən müğənni Şəbnəm Tovuzlunun Xırdalan şəhərindəki əyləncə mərkəzlərinin birində konserti baş tutub.
Tamaşaçılara yaxınlaşan müğənniyə heyranları gərgin anlar yaşadıb. Şəkil çəkdirmək üçün müğənninin paltarını dartmağa başlayıblar. Sənətçini buraxmaq istəməyiblər. Köməyə mühafizəçilər gəlib. Mühafizəçilər sənətçini səhnəyə yola salandan sonra, tamaşaçılarla mühafizə əməkdaşları arasında söz-söhbət yaranıb. 3 saat davam edən konsertdə boş masa qalmayıb. Bilet ala bilməyənlər isə məkana daxil ola bilmədiyindən, konserti kənardan ayaq üstə izləməli olublar.
