"Villarreal"ın yarımmüdafiəçisi Xonatan Dos Santos karyerasını okeanın o tayında davam etdirəcək.
Milli.Az goal.az-a istinadən xəbər verir ki, 27 yaşlı futbolçu "LA Galaxy" ilə anlaşıb. Müqavilə müddəti açıqlanmır. Transferin 5 milyon dollara başa gəldiyi ehtimal olunur. Los-Anceles klubunda Xonatanın qardaşı Covanni də forma geyinir. Hər iki qardaş Meksika millisinin də şərəfini qoruyur.
Xonatan Dos Santos "La Masia" yetirməsidir. O, 2009-14-cü illərdə katalon klubunun əsas komandasında 14 oyun keçirib.
Milli.Az
Digər maraqlı xəbərlər Milli.Az-ın Facebook səhifəsində
