Prezidentlər payızda görüşə bilər - Ermənistan XİN-dən BƏYANAT

Prezidentlər payızda görüşə bilər - Ermənistan XİN-dən BƏYANAT
13:43 28 İyul 2017
60 Digər
Ölkə mətbuatı
A- A+

“Ermənistan və Azərbaycan hələ də beynəlxalq vasitəçilər tərəfindən prezidentlərin növbəti görüşü üçün razılığa gələ bilmirlər. Bildiyiniz kimi, vasitəçilərdən bir təklif var. Ermənistan və Azərbaycan xarici işlər nazirləri bu istiqamətdə çalışırlar. Hələ son razılaşma və qərar yoxdur", - bunu jurnalistlərə Ermənistan xarici işlər nazirinin müavini Şavarş Koçaryan bildirib.

Publika.az bu barədə Ermənistan mediasına istinadən xəbər verir. Onun sözlərinə görə, ATƏT-in Minsk qrupunun həmsədrləri iyulun 11-də Brüsseldə XİN rəhbərləri Eduard Nalbandyan və Elmar Məmmədyarovla görüşdən sonra qərara gəliblər ki, nazirlər sentyabr ayında yenidən görüşsün. Ermənistan prezidenti Serj Sarkisyan isə iyulun 16-da televiziyaya müsahibəsində bildirib ki, payızda prezidentlərin görüşü baş tuta bilər.

Aprel müharibəsindən sonra prezidentlər iki dəfə görüşüb. Azərbaycan hökuməti sülh danışıqlarında irəliləyiş olmazsa, hazırki status-kvonu ləğv edəcəyini söyləyir. Ermənistan rəhbərliyi isə Azərbaycanın qoyduğu tələbi qəbul etmir, status-kvonun uzadılması üçün əlindən gələni edir.

Amin Nəzərli


Xəbərin orijinal ünvanı: http://publika.az/news/nida_xeber/207831.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR