Bakı. 28 iyul. REPORT.AZ/ İsrail polisi Qüdsün tarixi mərkəzində cümə ibadəti üçün müsəlmanların girişinə yenidən yaş məhdudiyyəti qoyub və iğtişaşların davam etdirilməsindən ehtiyat edərək polisin sayını artırıb.
"Report" İsrail KİV-inə istinadən xəbər verir ki, polisdən Məbəd dağına girişin yalnız 50 yaşdan yuxarı kişilərə və yaş məhdudiyyəti olmadan qadınlara icazə verildiyi bildirilib.
Minlərlə hüquq-mühafizə orqanının əməkdaşları Qüdsün ən problemli yerlərinə, o cümlədən tarixi mərkəzə, cəlb edilib, bəzi yollar avtonəqliyyatın hərəkəti üçün bağlanıb.
Dünən axşam Məbəd dağında polislə dindarlar arasında toqquşmalar baş verib. Həkimlərin məlumatına görə, iğtişaşlar zamanı 120 nəfər xəsarət alıb.