ARB TV-də yayımlanan "Yaşamaq gözəldir" proqramının növbəti buraxılışında maraqlı anlar yaşanıb.
Milli.Az bildirir ki, görmə zəifliyi ilə əlaqədar olaraq həkimə müraciət edən aparıcı Sona Məmmədova artıq eynəkdən istifadə etmədiyini bildirib.
Aparıcı onun gözlərini əməliyyat edən həkimlə birlikdə proqrama qatılaraq onun ünvanına xoş sözlər ünvanlayıb: "Biz artıq uzun müddətdir ki, tanışıq. Dostluğumuz var. İnşallah bizim bu səmimiyyətimiz tamaşaçılara da xoş gələr. Bu gün eynəyimi unudub özümlə gətirmişəm. Amma həkimimiz əməliyyat etdiyi bütün xəstələrinin eynəklərini öz otağında şəffaf bir şüşənin içərisində saxlayır. Əməlli-başlı arxivi var. Orada mənim eynəyim çatışmır. Bu eynəyimi də orada görmək istəyirəm".
Sonda eynəyini həkimə hədiyyə edən aparıcı, həyatda 2-ci böyük sevincini yaşadığını bildirib.
Milli.Az
