Bakı. 14 avqust. REPORT.AZ/ İranın ali rəhbəri Seyid Əli Xamənei Məsləhət Şurasının sədri vəzifəsinə Mahmud Haşimi-Şahrudini təyin edib.
“Report” İran KİV-inə istinadən xəbər verir ki, Xaməneinin fərmanına əsasən, Möhsün Rzai isə şuranın katibi vəzifəsində qalıb.
Qeyd edək ki, bu şura 1988-ci il fevralın 6-da təsis edilib. Ələkbər Haşimi-Rəfsəncani 1989-cu ildən vəfat edənədək, yəni 2017-ci ilədək şuranın sədri olub. O, 1999-2009-cu illərdə İranın baş prokuroru vəzifəsində işləyib. Şahrudi 1948-ci ildə İraqın Nəcəf şəhərində doğulub. İraq və İran vətəndaşıdır.