Ermənistan Rusiya orbitindən çıxaraq, mərkəzdənqaçma
siyasətinə üz tutur.Koreya Xalq Demokratik Respublikası
Sakit okeanında yerləşən ABŞ-a aid Quam adasına raket zərbəsi
endirmək planını təxirə salıb.İran sayılı saatlarda nüvə
proqramı üzrə razılaşmadan çıxa bilər.ABŞ-ın öldürücü
silahları artıq Ukraynaya çatdırılıb.ABŞ Mərkəzi
Kəşfiyyat İdarəsinin (CİA) kölgəsi hesab olunan “Stratfor”
kəşfiyyat-analitik mərkəzi Rusiyanın növbəti planları barədə
yazıb.Taliban ABŞ ordusunun Əfqanıstandan tamamilə
çıxarılmasını tələb edib.
Ermənistan Rusiya orbitindən çıxaraq, mərkəzdənqaçma
siyasətinə üz tutur. Bu ölkənin xarici işlər
nazirinin müavini Savarş Koçaryanın “Azadlıq” radiosunun erməni
xidmətinə müsahibəsində səsləndirdiyi fikirlər İrəvanın gələcək
siyasətinə dair ehtimallar irəli sürməyə imkan verir.
S.Koçaryan deyir ki, Ermənistan heç bir ölkəyə bel
bağlamamalıdır: “Biz müxtəlif dövlətlər, güc mərkəzləri və
beynəlxalq təşkilatlar arasında diversifikasiya edəcəyik”.
Təbii ki, Koçaryan birbaşa tabe olduğu nazir Edvard
Nalbandyanın, Nalbandyan isə Serj Sarkisyanın fikrini çatrırır.
Yəni İrəvan Moskvaya mesaj verir, lakin burada mesajdan daha çox
yeni siyasi oriyentasiyanın də elementləri görünür.
Bu kontekstdə erməni jurnalist Tevos Arşakyanın yazdıqları
diqqət çəkir.
Ermənistanda qiyam, Qarabağda müharibə... - MƏXFİ MƏLUMATLAR YAYILDI
Ermənistanda anti-Rusiya əhval-ruhiyyəsi pik həddə
çatıb. Bu barədə erməni politoloq, şərqşünas Karine
Qevorqyan deyib.
Onun fikrincə, Rusiyanın Ermənistanda aktivliyi azdır, əvəzində
Qərb onun yerini doldurur: “Ermənistanda bir çox fondlar və
siyasətçilər ABŞ tərəfdarı kimi çıxış edir. Bu halda Amerikadakı
erməni icmasının da rolu böyükdür. Bu gün Ermənistan Maydan
dövrünün Ukraynasını xatırladır”.
Yaranmış bu vəziyyət Rusiyanı narahat edir, xüsusilə erməni
hərbi birləşmələrinin NATO-nun Gürcüstanda keçirdiyi sonuncu
təlimlərə qatılması vəziyyətin ağırlığından xəbər verir.
Kəşfiyyat düşmən ölkəyə girdi: Putin İrəvana ordu yeridə bilər – Ermənistanda SİYASİ DÖYÜŞ
Koreya yarımadasında Seulla razılaşdırılmadan hərbi
fəaliyyətlər aparılması mümkün deyil. Bu sözləri
Cənubi Koreya lideri Mun Çje İn deyib.
“Hakimiyyət istənilən yolla müharibənin qarşısını alacaq. Bu
yolda nə qədər enişlər və ya yoxuşlar olsa da, biz Koreya
yarımadasının nüvə problemini sülh yolu ilə həll etməliyik”, -
prezident bildirib.
Qeyd edək ki, ABŞ və Şimali Koreya arasında olan gərginlik
Şimali Koreyanın ABŞ-ın Quam adalarına hücuma hazırlaşması ilə
bağlı yayılan xəbərlərlə ən yüksək həddə çatıb.
Şimali Koreya islamçı terrorist qruplarla
milyonlarla funt dəyərində silah, raket və bombalar ticarəti
aparır. Bu barədə ABŞ-da İslam ekstremizmi ilə bağlı
araşdırmalar aparan “Klarion” təşkilatının hesabatında deyilib.
Tətbiq edilən sərt sanksiya rejimi Şimali Koreyanı əlavə maliyyə
mənbələri axtarmağa vadar edir. Ekspertlər bu vəziyyətin Şimali
Koreyanın İŞİD və Əl-Qaidə kimi terror təşkilatları ilə silah
ticarəti barədə razılıq əldə etməsinə gətirib çıxaracağından
narahatdır.
“Pxenyan rejiminin silah satışı ilə bağlı heç bir problemi
yoxdur. Ölkə cihad üçün mübarizə aparanların obyektinə çevrilməyib.
Buna görə də, Şimali Koreya hətta Əl-Qaidə və İŞİD kimi terror
təşkilatlarını tanımaq və birbaşa silah satmaq həddinə qədər gedib
çıxsa, təəccüblənməyin”, - hesabatda deyilir.
Pxenyanın silah ticarəti apardığı terror qrupları arasında Həmas
və Hizbullah da var.
Hesabata görə, Hizbullah döyüşçüləri Şimali Koreyada təlim
keçib, ötən əsrin 80-ci illərində isə Pxenyan mühəndisləri Həmas
üçün İsraildə tünel tikilməsinə yardım edib.
Koreya Xalq Demokratik Respublikası Sakit okeanında
yerləşən ABŞ-a aid Quam adasına raket zərbəsi endirmək planını
təxirə salıb. Bu haqda Koreyanın Mərkəzi Teleqraf
Agentliyi (KCNA) rəsmi mənbələrə istinadən yazıb.
Məlumata görə, Şimali Koreya ordusunun təqdim etdiyi planları
qiymətləndirən dövlət başçısı Kim Çen In zərbə planını təxirə
salıb.
Qeyd edək ki, Quam adasındakı Anderson hərbi hava bazası ilə
Şimali Koreya arasında 3400 kilometr məsafə var. Daha əvvəl yayılan
məlumata görə, zərbə planında Quam adasına 4 raket zərbəsinin
endirilməsi nəzərdə tutulub.
İraq ordusu İŞİD terror təşkilatının nəzarətində
olan Telafer şəhərinin azad edilməsi üzrə əməliyyata
başlayıb. Ölkənin Müdafiə Nazirliyi İŞİD-in
mövqelərinə aviazərbələrin başlandığını elan edib.
Mosul şəhərindən 50 kilometr qərbdə yerləşən Telafer Suriya ilə
sərhəddə terror qruplaşmasının son böyük qalası hesab edilir. Sünni
türkmanlar şəhər əhalisinin əksəriyyətini təşkil edir.
ABŞ sanksiyaları genişləndirməkdə davam edərsə, İran
sayılı saatlarda nüvə proqramı üzrə razılaşmadan çıxa
bilər. Bunu İran prezidenti Həsən Ruhani deyib.
“Sanksiyalar üzrə uğursuz təcrübə ABŞ-ın əvvəlki
administrasiyasını danışıqlar stolu arxasına gətirib çıxardı. Onlar
bu təcrübəyə qayıtmaq istəyirlərsə, şübhəsiz ki, biz qısa vaxtda,
həftələr və ya aylar deyil, yaxın günlər və saatlarda əvvəlki
vəziyyətimizə qayıdacağıq”, - İran prezidenti bildirib.
Moskva isə hesab edir ki, İranın nüvə razılaşmasından çıxmaması
üçün diplomatlar dərhal işə başlamalıdır, əks halda toplar
danışacaq.
İran yaxın saatlarda... – Moskva müharibə ANONSU VERDİ
Səudiyyə Ərəbistanının vəliəhd şahzadəsi və müdafiə
naziri Məhəmməd bin Salman Yəmən müharibəsindən çıxmaq
istəyir. Bu haqda iki amerikalı diplomatın mediaya
sızan məktublarında deyilir.
Səudiyyə şahzadəsi 2015-ci ildə Yəməndə ərəb koalisiyasının
başladığı “Qətiyyətli fırtına" əməliyyatının əsas
təşəbbüskarlarından biri idi. ABŞ-ın İsraildəki keçmiş səfiri
Martin İnduk və BƏƏ-dəki səfiri Yousef Otaiba arasındakı elektron
yazışmalara görə, “praqmatik lider” adlandırılan şahzadə Yəməndən
çıxmaq istəyir.
Qeyd edək ki, Yəməndə şiə husilərə qarşı ərəb koalisiyasının
əməliyyatı 2015-ci ildə başlanıb. 27 milyon əhalisi olan Yəməndə
iki ildir ki, milyonlarla adam aclıq təhlükəsi ilə yaşayır.
Bəşər Əsəd rejimi Türkiyənin Hatay vilayətini Suriya
torpağı olaraq təqdim edib. Əsəd generallarının
İranın dəstəklədiyi şiə milisləri ilə birgə keçirdiyi müzakirələrdə
masa üzərindəki xəritə diqqət çəkib. Xəritədə Türkiyənin Hatay
vilayəti Suriya torpağı olaraq göstərilir.
Təhlükəsizlik üzrə türkiyəli mütəxəssis Metin Gürcan qalmaqallı
xəritə ilə bağlı Tvitterdə açıqlama yayıb.
“Bu prixoloji müharibədir. Suriyalı generallar Hatayı Suriya
torpağı olaraq göstərən xəritə üzərində müzakirə aparmaqla Ankaraya
mesaj verirlər. Əgər generallar bunu ciddi şəkildə müzakirə
edirlərsə, çox cahildirlər, yaxud belə bir poza verirlərsə,
gülməlidirlər”, - deyə Gürcan qeyd edib.
“Yeni Şəfəq”in köşə yazarı İbrahim Karagül isə bugünkü yazısında
Suriyadakı oyuna diqqət çəkib.
“Afrinə müdaxilə etmək, yəni “terror dəhlizi”nin (ABŞ-ın
Türkiyənin cənubunda yaratmaq istədiyi “kürd dəhlizi”- red.) Aralıq
dənizinə çıxışının qapısını bağlamaqdan savayı yolumuz yoxdur.
Məsələ artıq Suriya məsələsi yox, Türkiyə məsələsidir. Bunu
etməsək, yaxın zamanlarda yüz kilometrlərlə məsafədə yaradılacaq
“Türkiyə cəbhəsi” ilə üz-üzə qalacağıq. Hədəf 2019-cu ildən öncə
Türkiyəyə qarşı bu ssenarini həyata keçirməkdir. Diqqətləri çəkmək
üçün “Hatayı da alırlar” görüntüsü yaradaraq, əslində müharibəni
Türkiyəyə transfer etməyi planlaşdırırlar”, - deyə İ.Karagül
vurğulayıb.
Düşmən generallarından ŞOK ADDIM: bu bölgənin İŞĞAL PLANINI CIZDILAR - FOTO/VİDEO
ABŞ-ın öldürücü silahları artıq Ukraynaya
çatdırılıb. Bu haqda hərbi jurnalist Yuri Butusov
Feysbuk səhifəsində yazıb.
Onun sözlərinə görə, 12,7 millimetr kalibrli “Barrett” M82 və
M107snayper tüfəngləri partiyasının çatdırılmalarından sonra
Ukrayna Silahlı Qüvvələri və Milli Qvardiya PSRL-1 əl
qumbaraatanlarını alıb.
Rəsmi Moskva ABŞ-ın Ukrayna silah verəcəyi halda Donbas
münaqişəsinin daha da gərginləşəcəyini dəfələrlə bəyan edib. Hətta
ötən il Rusiya ABŞ-ın Ukrayna ordusuna silah verəcəyi təqdirdə
Kiyevi hücumla hədələyib.
Vaşinqton Moskvanın hədəsinə qulaq asmadı - Kiyevə hücum başlanacaq!
Ukrayna xüsusi xidmət orqanları Krımda silsilə
təxribatlar törətməyə hazırlaşır. Bu sözləri Krım
hökumətinin rəsmisi Zaur Smirnov deyib.
Onun sözlərinə görə, xüsusi xidmət orqanları seçilmiş şəxslər
vasitəsi ilə krımlıları etiraz nümayişləri keçirməyə və onları
piketlərə getməyə təşviq edir.
“Etibarlı mənbələrdən əldə etdiyimiz məlumatlara görə, Ukrayna
xüsusi xidmət orqanları fəaliyyətləri Rusiyada qadağan olunmuş
təşkilatlar vasitəsi ilə Krımda silsilə təxribatlar törətməyə
hazırlaşır”, - Smirnov bildirib.
Smirnov əhalini bu tip provakasiya xarakterli addımlardan
qorunmağa çağırıb.
Rusiya Ukraynada strateji müvəffəqiyyətsizlikdən
sonra Avropa ölkələrində destabilizasiya cəhdlərinə təşəbbüs
edəcək. Bu haqda ABŞ Mərkəzi Kəşfiyyat İdarəsinin
(CİA) kölgəsi hesab olunan “Stratfor” kəşfiyyat-analitik mərkəzinin
materialında deyilir.
Analitik mərkəzi qeyd edir ki, Moskva bunu hibrid metodlardan
istifadə edərək reallaşdırmağa çalışacaq, çünki hərbi müdaxilə
ağlasığmazdır.
İlk növbədə, Kremlin zərbəsinə Baltikyanı ölkələr, həmçinin
Balkan, Mərkəzi və Cənubi Avropa dövlətləri tuş gələcək. Kəşfiyyat
vurğulayır ki, Rusiyanın hibrid döyüşləri qarşısında Baltikyanı
ölkələr ən zəif halqadır.
Rusiyanın növbəti qurbanları: ABŞ kəşfiyyatı ÜÇ CƏBHƏNİ AÇIQLADI
Rusiya Federal Təhlükəsizlik Xidmətinin (FTX)
əməkdaşları Krımda diversiya hazırlığında şübhəli bilinən şəxsi
saxlayıblar. FTX-nin ictimaiyyətlə əlaqələr
mərkəzindən şübhəlinin Ukrayna Təhlükəsizlik Xidmətinin agenti
olduğu bildirilir. Məlumata görə, diversiya aktları “yarımadanın
infrastruktur obyektləri və həyat təminatına qarşı”
hazırlanırdı.
Agent, xüsusi halda, Sudak-Novıy elektrikötürücü xəttini
yararsız vəziyyətə salmalı və yanğın yolu ilə meşə massivlərini
məhv etməli idi.
Saxlanılan şəxs Xarkov vilayətinin sakini Genadi Lemeşkodur. O
daha əvvəl Donbasda silahlı konflikt zonasında böyük kəşfiyyatçı
idi.
Taliban Donald Trampa açıq məktub ünvanlayaraq ABŞ
ordusunun Əfqanıstandan tamamilə çıxarılmasını tələb
edib. Məlumata görə, Taliban göndərdiyi məktubda
ölkədə durmadan artan gərginliyi Əfqanıstanda xarici hərbi
kontingentin mövcudluğu ilə əlaqələndirib. Bundan əlavə Taliban
koalisiya qüvvələrini ölkəni dağıtmaqda ittiham edərək,
Əfqanıstanın təhlükəsizlik, iqtisadiyyat və hökumət idarəçiliyi
baxımından dəhşətli vəziyyətə salındığını bildirib.
Qeyd edək ki, ABŞ tərəfindən 2001-ci ildən Əfqanıstanda
“anti-terror” əməliyyatları aparılır.
Ömər Dağlı
Xəbərin orijinal ünvanı: http://publika.az/news/nida_tehlil/209955.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)