Moskvada güclü yanğın hadisəsi baş verib.
APA-nın “Gazeta.ru”-ya istinadən verdiyi xəbərə görə, hadisə Rusiya paytaxtının şimalında, lak və boya məmulatları anbarlarında baş verib.
Məlumata əsasən, alov 21 min kvadrat metr ərazini əhatə edib. Yanğın yanğınsöndürənlər tərəfindən söndürülüb. Hadisə nəticəsində zərərçəkən olmayıb.
Faktla bağlı Moskva şəhər prokurorluğu araşdırma aparır.
