Madridin “Real” klubunun hücumçusu Kriştiano Ronaldo bəyan edib ki, beş oyunluq diskvalifikasiyanı ədalətsiz qərar sayır.
Publika.az bildirir ki, futbolçu bu barədə öz Instagram hesabında yazıb.
“Bunda diqqət verməmək mümkün deyil. Beş oyun! Hesab edirəm ki, bu ədalətsiz qərardır və sadəcə gülməlidir! Dostlarıma və azarkeşlərə dəstəyə görə təşəkkür edirəm”, - portuqaliyalı qeyd edib.
Xatırladaq ki, İspaniya Futbol Federasiyası Ronaldoya beş oyunluq cəza barədə qərarını avqustun 14-də açıqlayıb. Ölkə Superkuboku uğrunda “Barselona”ya qarşı matçın 82-ci dəqiqəsində Ronaldo oyunun baş hakimi Rikardo de Burqos Benqoeçeanın qərarına sərt reaksiya verərək onu kürəyindən itələyib.
Görüş avqustun 13-də “Kamp Nou” stadionunda keçirilib və “Real”ın 3:1 hesablı qələbəsi başa çatıb. Ronaldo oyuna 58-ci dəqiqədə daxil olub və bir qol və qırmızı vərəqə ilə yadda qalıb.
