Bakı. 17 avqust. REPORT.AZ/ Rusiya bu ilin iyun ayında neft hasilatının həcminə görə yenidən Səudiyyə Ərəbistanını üstələyib. “Report” “Gazeta.ru”ya istinadən xəbər verir ki, bu barədə Birgə Təşkilatlar Məlumat Təşəbbüsünün materialında qeyd olunub.
Məlumata görə, Rusiya gündəlik orta hesabla 10,323 mln. barel, Səudiyyə Ərəbistanı isə 10,070 mln. barel neft hasil edib.
Rusiya neft hasilatının səviyyəsinə görə bu ilin yanvar ayında Səudiyyə Ərəbistanını ötüb və hələ də lider mövqeyini saxlayır.
