Ermənilər Gürcüstanda keçirilmiş NATO təlimlərində
iştirak edən Ermənistanın Moskva tərəfindən cəzalandırılacağından
ehtiyat edirlər.Ermənistan parlamentinin payız
sessiyasında ölkənin Avrasiya İqtisadi İttifaqından çıxış proseduru
müzakirə edilə bilər.ABŞ Suriyanın şimalında Türkiyə
ordusu ilə vuruşması üçün yeni bir təşkilat qurub.Şimali
İraq kürd muxtariyyəti sentyabrın 25-də keçirilməsi planlaşdırılan
referendumun təxirə salınması üçün şərtlərini açıqlayıb. Koreya
böhranında gərginlik azalıb.
“Moskvada Ermənistanın Gürcüstanda keçirilmiş NATO
təlimlərində iştirakı faktını həzm edə bilmirlər”. Bu
sözləri erməni siyasi şərhçi Sarkis Artsruni yazıb.
Ermənistanın təlimlərdə iştirakının əvvəlcədən Moskva ilə
uyğunlaşdırılmasını istisna etməyən şərhçi bununla belə hesab edir
ki, vəziyyət Rusiyaya qarşı ABŞ-ın yeni sanksiyaları və ABŞ-ın
vitse-prezidenti Maykl Pensin Gürcüstana səfəri fonunda kəskin
dəyişib.
Erməni şərhçi bildirir ki, bir neçə Rusiya nəşri açıq şəkildə
Ermənistan hakimiyyətinin Moskvaya sədaqətini şübhə altına qoyur.
O, Rusiyanın ermənipərəst “Reqnum” agentliyinin baş redaktoru,
siyasi analitik Modest Kolerovın erməni mətbuatına açıqlamasını da
xatırladıb.
Rusiya İrəvanı cəzalandırır: Moskvadan Qarabağda yeni müharibəyə YAŞIL İŞIQ
"Rusiya hər zaman Dağlıq Qarabağ zonasında
gərginliyin azaldılmasına yönəlmiş tədbirləri
dəstəkləyib".Bu sözləri Rusiya Xarici İşlər
Nazirliyinin rəsmi nümayəndəsi Mariya Zaxarova keçirdiyi mətbuat
konfransında deyib. O bildirib ki, bu istiqamətdə konkret
addımların atılmasının vacibliyi birmənalı olaraq dəfələrlə
həmsədrlər tərəfindən vurğulanıb:
"Bunun vacibliyi 2016-cı ilin mayında Vyanada və iyununda
Sankt-Peterburqda keçirilən sammitlərdə qeyd edilib.
Vasitəçilər tərəfindən təklif edilən tədbirlərin
reallaşdırılması münaqişə tərəflərinin iradəsindən asılıdır. Öz
tərəfimizdən biz vəziyyətin stabilləşməsi, münaqişənin həlli
istiqamətində aparılan danışıqlar prosesin davam etdirilməsi üçün
hər şeyi edirik. Məhz bu yanaşma Azərbaycan, Ermənistan və Rusiya
xarici işlər nazirlərinin bu ilin aprelində Moskvada keçirilən
görüşündə üstünlük təşkil edib".
M.Zaxarova qeyd edib ki, hazırda həmsədrlər prezidentlərin növbəti
görüşünün təşkili üzərində işləyirlər:
"Bu məsələ bağlı iyul ayında onlar Brüsseldə xarici işlər
nazirləri ilə danışıqlar aparıblar. Məsləhətləşmələr sentyabrın
ikinci yarısında BMT Baş Assambleyasının sessiyası çərçivəsində
davam edəcək və bunun sonunda müvafiq bəyanat veriləcək. Rusiyada
Dağlıq Qarabağ məsələsinə xüsusi diqqət ayrılır. Bu məsələ bizim
xarici siyasət prioritetlərimizə aiddir".
Ermənistan parlamentinin “Yelk” fraksiyasından olan
deputatları payız sessiyasının gedişatında Avrasiya İqtisadi
İttifaqından çıxış prosedurunu təklif etməklə
hədələyirlər. Bu haqda Ermənistanın “Lragir” nəşri
yazıb.
Ermənistanın hakim Respublika Partiyasının nümayəndələri də bu
müzakirələrdə həvəslə iştirak edirlər, amma hərçənd Avrasiya
İqtisadi İttifaqının “alternativsiz” olması əsas dəlil olaraq
qalır.
Respublika Partiyasının parlament fraksiyasının lideri Vaqram
Baqdasaryan da bildirib ki, Ermənistanda Avrasiya İqtisadi
İttifaqından başqa alternativlər yox idi.
Naira Ayrumyan isə hesab edir ki, əslində Ermənistanda
alternativ var idi və Azərbaycan kimi bloklara qoşulmamaq prinsipi
ilə hərəkət edə bilərdi.
“Putin həmin gecə Sarkisyana dedi ki...” - Ermənistan PAYIZI GÖZLƏYİR
ABŞ-ın silah-sursat və hərbi təlimlə dəstək verdiyi
PYD (PKK terror təşkilatının Suriya qanadı –red.) Suriyanın
şimalındakı “Fərat Qalxanı” bölgəsinə hücum etməsi üçün yeni bir
təşkilat qurub. 14 avqust 2017-ci il tarixində
Tel-Abyadda qurulan “Kuvvet-i Suvvar” bölgədə olan qüvvələrə döyüş
elan edib.
ABŞ təşkilata on minlərlə döyüşçünün qatılması barədə təlimat
verib. Təşkilatın məqsədi isə bölgədə olan Türkiyə Silahlı
Qüvvələri və Azad Suriya Ordusunu hədəf almaqdır.
ABŞ-ın təlimatı ilə bütün cəbhələrdə... - Türkiyəyə müharibə ELAN ETDİLƏR
Yaxın Şərqdən amerikalıların qalib çıxması İsrail
üçün çox vacibdir. Bunu “newsru.co.il” saytına
açıqlamasında İsrailin MOSSAD təşkilatının ehtiyatda olan yüksək
rütbəli zabiti İsrael Lavi söyləyib.
“Bu, xüsusilə İrana görə çox önəmlidir. Çünki Tehran Suriya
konfliktinin nə ilə bitəcəyini diqqətlə izləyir. İranlılar anlayır
ki, onlara Amerika elitasını qəzəbləndirmək sərf etmir. İranlıların
Suriyada olmasının Putinə sərf etdiyini deyə bilmərəm. Ola bilsin
ki, Rusiyanın öz konsepsiyası var. Onlar hələlik yumşaq davranıb,
bəlkə də sonradan qəfil şəkildə İrana “bəsdir” deyəcəklər. Rusiya
İsrail-İran müharibəsində maraqlı deyil. Putin Suriyada istədiyini
çoxdan qazanıb. O, Əsədin Suriyada ona maneə yaratdığını görən kimi
onu hakimiyyətdən uzaqlaşdıracaq”, – Lavi bildirib.
Şimali İraq kürd muxtariyyəti sentyabrın 25-də
keçirilməsi planlaşdırılan referendumun təxirə salınması üçün
şərtlərini açıqlayıb. İraq mərkəzi hökumətin
nümayəndələri ilə görüşdə irəli sürülən şərtlər, məlumata görə,
kürd muxtariyyətinin irəli sürdüyü şərtlər aşağıdakılardır:
- “Kürdüstan” bölgəsinə ayrılan büdcə vəsaitinin
göndərilməsi
- İraq Konstitusiyasının 140-cı maddəsinin tətbiq olunması
(Kərkük başda olmaqla mübahisəli bölgələrin statusunun müəyyən
edilməsi)
- Kürdlərin İraq hökumətində azaldılan yerlərinin geri
verilməsi
- İraq ordusunda kürdlərin sayının artırılması.
Ərbil sözügedən şərtlərin Bağdad tərəfindən qəbul ediləcəyi
halda referendum bir neçə aylığa, müəyyən bir tarixə qədər təxirə
salınacağını bildirib.
“ABŞ Çinlə iqtisadi müharibə aparır”.
Bunu ABŞ prezidentinin əsas strateji məsləhətçisi Stiven Bennon
deyib.
“Biz Çinlə iqtisadi müharibə vəziyyətindəyik. Onlar nə etdikləri
barədə danışmaqdan utanmırlar”, - Ağ Ev rəsmisi bildirib.
Bennon həmçinin qeyd edib ki, ən yaxın 25-30 il ərzində iki
dövlətdən biri hegemon olacaq. Ağ Evin strateqi həmçinin Amerika
hakimiyyətini xəbərdar edib ki, ABŞ bu yolda ilişərsə, Çin dünya
lideri olacaq.
“ABŞ uduzmağa davam edərsə, heç vaxt özünü bərpa edə
bilməyəcək”, - o əlavə edib.
ABŞ prezientinin məsləhətçisi Şimali Koreya probleminə də
toxunub. O əmin edib ki, problemin hərbi həll yoxdur.
Siyasi ekspertlər və konsultantlar Assosiasiyasının
üzvü, politoloq Kiril Koktış hesab edir ki, ABŞ və Çin arasındakı
iqtisadi müharibədən qazanan tərəf Hindistan ola
bilər. “İki süper iqtisadi subyektin toqquşmasında
üçüncü oyunçu qalib gəlir. O toqquşmada iştirak etmir və toqquşma
nəticəsində “yandırılmış əraziləri” tutaraq qazanan tərəf olur.
Məsələn, Hindistan”, - Koktış bildirib.
O əlavə edib ki, Çin və ABŞ-ın iqtisadi qarşıdurması artıq on il
sonra bitə bilər,
“Daha sonra Vaşinqton Pekinin öhdəsindən gəlmək şanslarına malik
olmayacaq”, - politoloq vurğulayıb.
ABŞ və Şimali Koreya arasında sülh yaranma ehtimalı
var. Bu sözləri jurnalistlərə açıqlamasında ABŞ
Silahlı Qüvvələrinin Baş Qərargah rəisi Cozef Danford deyib. Pekinə
səfər edən Cozef Danford problemin hərbi yolla həllinin qorxunc
olduğunu bildirib.
“Hazırda əlimizdə bir çox seçim var. Amma məsələni sülh yolu ilə
həll edə biləcək gücdəyik”, - Cozef Dunford deyib.
“Mərmərə dənizində yaxın gələcəkdə gücü yeddi baldan
daha yüksək olan zəlzələ baş verəcək”. Bunu Boğaziçi
Universiteti Kandilli Rəsədxanası və Zəlzələ Araşdırma İnstitutunun
rəhbəri Haluk Özener deyib.
Qeyd edək ki, bu, ilk analoji xəbərdarlıq deyil. Daha əvvəl
Yıldız Texniki Universitetinin professoru, geoloq Şükrü Ərsoy
bildirib ki, on beş il ərzində Mərmərə dənizi üçün ən böyük ssenari
7,7 bal gücündə bir zəlzələnin baş verməsidir.
“İstanbulda ən azı 145 min insan öləcək” - Qorxunc proqnoz TƏKRARLANDI - VİDEO
Ömər Dağlı
Xəbərin orijinal ünvanı: http://publika.az/news/nida_tehlil/210196.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)