Bakı. 18 avqust. REPORT.AZ/ Terrorçular Barselona yaxınlığındakı Kambrils şəhərində avtomobili piyadaların üzərinə sürüblər.
"Report"un məlumatına görə, bu barədə "24 Horas" telekanalı xəbər verib.
"Cadena Ser" radiostansiyasının xəbərinə görə, hadisə nəticəsində 2 nəfər ağır, 3 nəfər yüngül xəsarət alıb. Terrorçuların zərərsizləşdirildiyi bildirilir.
Bundan əvvəl isə Kambrils polisi terror aktının baş verdiyini, bir neçə terrorçunun öldürüldüyünü bildirib.
"24 Horas"ın məlumatına görə, antiterror əməliyyatı zamanı 4 terrorçu öldürülüb, 5-i yaralanıb. Telekanal atışmanı əks etdirən kadrları nümayiş etdirib.