Bu il təcili yardıma müraciətlər nə qədər olub?

Bu il təcili yardıma müraciətlər nə qədər olub?
11:24 18 Avqust 2017
122 Digər
Ölkə mətbuatı
A- A+

 

2017-ci ilin yanvar-iyul aylarında Səhiyyə Nazirliyinin Təcili Təxirəsalınmaz Tibbi Yardım Stansiyasının “113” dispetçer mərkəzinə ümumilikdə 609 cağırış daxil olub.

 

Nazirlikdən Lent.az-a verilən məlumata görə, bu çağırışlar 1045 pasienti əhatə edib, onlardan 782 nəfər hospitalizasiya olunub.

 

Çağırışlardan 509-u yol-nəqliyyat hadisələri, 84-ü terapevtik hallar, 7-si müxtəlif travmalar ilə əlaqədar olub.

 

Bundan başqa, Nazirliyin Təcili Təxirəsalınmaz Tibbi Yardım Stansiyasının Konsultativ Bölməsi üzrə 2017-ci ilin yanvar – iyul ayları ərzində ümumilikdə 871 çağırış həyata keçirilib.

 

Qeyd edilən müddət ərzində telesəhiyyə vasitəsilə 21 ixtisas üzrə məsləhətçi həkim tərəfindən 161 pasientə 216 məsləhət verib.  Təhlil olunan müddət ərzində telesəhiyyə vəsitəsilə məsləhət verilmiş 161 pasientdən 59 xəstəyə Bakı şəhərinin xəastəxanalarına köçürülməsinə qərar verilib.

 

2017-ci ildə 1 yanvar – 31 iyul müddəti ərzində 595 pasientə konsultativ xidmət göstərilib. 2017-ci il ərzində 595 pasientdən konsultativ bölmənin mütəxəssislərin məsləhəti və müşahidəsi ilə 266 pasient daha yüksək səviyyəli tibb müəssisəsinə köçürülüb. Köçürülmüş pasientlərdən 235-i Bakı şəhərinin tibb müəssisələrinə yerləşdirilib.

 

Hesabat dövrü ərzində SN TTTYS mütəxəssislərin iştirakı ilə yerlərdə 18 cərrahi əməliyyat aparılıb. Əməliyyatların əksəriyyəti hamiləlik patologiyası, travmalar, kəskin daxili qanaxmalar və s. olub.

 

Təhlil olunan müddət ərzində Səhiyyə Nazirliyinin göstərişi ilə konsultativ bölmənin nəqliyyat vasitələri ilə perinatal xidmət, hematologiya, cərrahiyyə və digər sahələr üzrə xüsusiləşdirilmiş briqadalar 98 dəfə ezam edilib. 

 


Xəbərin orijinal ünvanı: http://news.lent.az/news/281447

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR