Rusiya əhalisi yenidən azalmağa başlayıb

Rusiya əhalisi yenidən azalmağa başlayıb
14:37 18 Avqust 2017
142 Dünya
Ölkə mətbuatı
A- A+

Bakı. 18 avqust. REPORT.AZ/ Rusiya əhalisinin sayı bu ilin ilk yarısında 17 min nəfər azalıb və iyul ayının 1-nə 146,8 mln. nəfər təşkil edib. "Report"un "Vesti" saytına istinadən verdiyi xəbərə görə, bu barədə Rusiya Statistika Komitəsi məlumat yayıb.
Ötən il ölkə əhalisi 267,3 min nəfər, 2015-ci ildə isə 277,4 min nəfər artıb.
Bununla yanaşı, bu ilin ilk yarımilliyində doğulanların sayı 821 min nəfərədək azalıb. 2016-cı ilin eyni dövründə isə əhalinin sayında 928,4 min nəfər azalma olub. Ölənlərin sayı 2016-cı ilin yanvar-iyun aylarına qarşı (960,6 min) bu il 940,4 min nəfərədək azalıb.
Bununla da, 2017-ci ilin yanvar-iyun aylarında əhalinin təbii azalması 2016-cı ilin eyni dövrünə (32,2 min nəfər) qarşı 119,4 min nəfər təşkil edib. Miqrasiya nəticəsində artım əhalinin sayca itkisini 85,7% ödəyib.
Doğulanların sayının azalması Rusiyanın 84 subyektində, ölənlərin sayı isə 73 subyektində qeydə alınıb.
Bütövlükdə ölənlərin sayı doğulanların sayını 1,1 dəfə (bir il əvvəl - 1 dəfə olub), 25 subyektdə isə 1,5-2 dəfə üstələyib.
Əhalinin təbii artımı ilk yarımildə Rusiyanın 21 subyektində (2016-cı ilin eyni dövründə - 35 subyektdə) qeydə alınıb.
Miqrasiya nəticəsində yaranan artım 2016-cı ilin yanvar-iyun aylarına (141,9 min nəfər) qarşı 102,3 min nəfər təşkil edib.

Xəbərin orijinal ünvanı: https://report.az/region/rusiya-ehalisi-yeniden-azalmaga-baslayib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR