UEFA "Legiya"nı cəzalandırıb. Fanat.Az xəbər verir ki, Çempionlar Liqasının III təsnifat mərhələsi çərçivəsində avqustun 2-də baş tutan "Legiya" - "Astana" matçında polşalı fanatların açdığı banneri siyasi məzmunlu sayıb.
Eyni zamanda, Qazaxıstan təmsilçisiylə görüşdə stadionun çıxışlarının bağlanması da qaydalara zidd hesab edilib. Avropa futbol qurumu Polşa təmsilçisinə 35 min avro para cəzası kəsib.
Qeyd edək ki, bannerdə 1944-cü ildəki Varşava qiyamında alman əsgərin polşalı uşağın başına tapança dirədiyi an təsvir edilmişdi. Pankartda qanlı olay zamanı 160 min nəfərin qətlə yetirildiyi və bunlardan mininin uşaq olduğu da yazılmışdı.
Fanat.Az