Bakı. 18 avqust. REPORT.AZ/ Rusiya ilk dəfə Türkiyə və Taylandı çoxməqsədli "Ka-32" helikopterləri ilə təchiz edəcək.
"Report" RİA "Novosti"yə istinadən xəbər verir ki, "Vertolyotı Rossii" holdinqinin yaydığı məlumatda şirkətin xarici ölkələrə bu tip 8 helikopter göndərəcəyi bildirilib.
İmzalanmış sazişlərin detalları açıqlanmır.
Qeyd edək ki, "Ka-32" tipli çoxməqsədli helikopter xüsusi axtarış-xilasetmə və yüksəklikdə montaj işlərinin həyata keçirilməsi, yanğınsöndürmə, yükdaşıma, xəstə və yaralıların evakuasiyası, həmçinin patrul və xüsusi xidmət orqanlarının əməliyyatlarını həyata keçirmək üçün nəzərdə tutulub.