Türkiyə prezidenti Rəcəb Tayyib Ərdoğan şok açıqlama ilə çıxış edib. Lent.az sozcu.com.tr-yə istinadən xəbər verir ki, prezident Almaniyada yaşayan türk əsilli şəxslərə müraciət edərək, onlardan qarşıdan gələn parlament seçkilərində hazırkı kansler Angela Merkelin partiyasına səs verməmələrini istəyib.
Ərdoğan deyib ki, indiki Almaniya hökumətini təşkil edən siyasi partiyalar Türkiyə düşmənidir və türk əsilli Almaniya vətəndaşları bu partiyalara səs verməsin: “Orada səsinizi müsəlman düşmənliyi aparmayan partiyalara verib. Bu, Almaniyada yaşayan türklərin ləyaqət mübarizəsidir”. Almaniyada 1 milyona yaxın türk seçici var. Türk vətəndaşlarımız Türkiyəyə qarşı belə hörmətsizlik edən partiyalara səs verməməlidirlər. Biz onlardan terrorçuları istəyirik, onlar bizdən cinayətkarları. Merkelə 4,500 terrorçunun dosyesini vermişəm. Hələ də gözləyirik”.
