Publika.az meyvə şirələrinin tərkibindəki vitaminləri və sağlamlığa faydalı olan xüsusiyyətlərini təqdim edir.
Alma şirəsi dəmirlə zəngindir. Tərkibində kalium və bor elementləri sümükləri möhkəmləndirir. A və C vitaminləri, üzvi turşular, minerallarla bol olan alma şirəsinin tərkibindəki minerallar dərini təravətləndirir, saçı və dırnaqları möhkəmləndirir. Bu şirə ilə qripi və bağırsaq mikroblarını müalicə etmək olur. Qaraciyər və böyrəklərə müsbət təsir edir, mədə-bağırsağın təmizlənməsində ən gözəl dərman alma şirəsidir.
Armud şirəsi- piylənmənin qarşısını alır. A,E,S
və P vitaminləri, pektin, karotin, mikroelementlərlə zəngindir.
Tərkibindəki makro və mikroelementlərə görə armud şirəsi ilk
yerlərdən birini tutur. Tərkibi dəmir, sink, yod, ftor, marqanes,
molibden, bor, kobalt, nikel, maqnium, kalsium, natrium, fosfor,
kalium, xlor və s təşkil edir. Həzmetmə və bağırsaqların
fəaliyyətinə müsbət təsiri var.Qan dövranını yaxşılaşdırır.
Ərik şirəsi А, В, РР vitaminləri , kalium, kalsium
və s maddələrlə zəngindir, yaddaşı və dərini yaxşılaşdırır,
qaraciyərə müsbət təsiri var, iş qabiliyyətini artırır,orqanizmi
möhkəmləndirir,ürək-damar sistemi xəstəliklərində və uzağı
görməyənlərə faydalıdır.
Ananas şirəsinin tərkibi vitaminlər kompleksi, 16
mikroelement, ən əsası isə piylərin ərinməsində rol oynayan
bromelayn fermentinə malikdir. Həmçinin tərkibində kalori az
olduğundan diyetik menyular üçün də münasibdir. Antistress
xüsusiyyətə malik ananas şirəsi böyrəklərin, qaraciyərin
funksiyalarını normallaşdırır, mədəaltı vəzinin işini
yaxşılaşdırır, bağırsaqın fəaliyyətini tənzimləyir.Trombozlar,
şişlər, hətta yaddaş zəifliyində də faydalıdır.
Portağal şirəsi S vitamininə görə digərlərini
üstələyir. Stress, nevroz və astenik vəziyyətlərdə
faydalıdır.Zəhərlənmə və soyuqdəymədə əvəzsizdir. B1, B5 və B 12
vitaminləri ilə zəngindir.
Üzüm şirəsi anemiya, vərəm, zəiflik, halsızlıq
zamanı çox faydalıdır. Bədənin enerji ehtiyacını təmin edir,
bağırsaqları yumşaldır, sidikqovucu xassəyə malik olduğu üçün
orqanizmi toksinlərdən təmizləyir.Üzüm şirəsi fiziki və zehni
yorğunluqları aradan qaldırır, ürəyin fəaliyyətini normallaşdırır,
dəri yaşlanmasının qarşısını alır.
Vişnə şirəsi: Tərkibində A, E və C vitaminləri,
kalium, kalsium və fosfor və s. ilə zəngin olan vişnə şirəsi
fermentləri aktivləşdirir, bədəni müxtəlif mikrob və toksinlərdən
qoruyur və müqaviməti artırır, qızdırma əleyhinə yaxşı vasitədir.1
stəkan vişnə stəkanı içməklə toxluq hiss edəcəksiniz.
Nar şirəsi ən faydalı şirələrdən biri olub qanı
artırır və immuniteti gücləndirir.Vitaminlər, mineral duzlar,
fitonsidlərlə zəngin nar şirəsi qanazlığı, hipertoniya,
ateroskleroz, soyuqdəymə, bronxit və s. xəstəliklərdə əvəzsiz
vasitədir.Tərkibində kalori az miqdardadır, piy və xolesterin
praktiki olaraq mövcud deyil.Narın 5 dənəsi alma və portağalı əvəz
edir.Narın müntəzəm istifadəsi dəri və saçlara nəzərə çarpacaq
dərəcədə təsirlidir.Həmçinin böyrək,ağ çiyər, dalaq və qalxanvari
vəzilərin fəaliyyətinə müsbət təsiri var.
Qreypfrut şirəsi - S vitaminin (45%) mənbəyi
olmaqla, qan təzyiqi və maddələr mübadiləsini tənzimləyir.Həmçinin
artıq piyləri əridir.Tərkibinə görə limon şirəsinə
bənzəyən,həmçinin S, A, E, P,K vitaminləri və beta-karotin, üzvi
turşular, kalsium, kalium, natrium, maqnium, fosfor, dəmir və s.
tərkibli bu şirə sakitləşdiici və antiaritmik təsirə malikdir,
hərarəti salır, iştahanı yaxşılaşdırır. Qreypfrutun tərkibindəki
alkaloid xinin malyariya və qızdırma əleyhinə effektiv təsiri
var.
Yerkökü şirəsi- tərkibindəki karotinoid orqanizmdə
A vitamininə çevrilir. Görmə qabiliyyəti, dərinin gözəlliyi,
hemoqlobinin təmin olunması və s. bu vacib vitamindən asılıdır.
Həmçinin bu şirənin tərkibindəki vitaminlər qaraciyəri
qüvvətləndirir, immuniteti gücləndirir, zərərli maddələrin bədəndən
xaric olmasına kömək edir. Aclıq pəhrizləri zamanı ilk növbədə
yerkökü şirəsi içirlər.Həmçinin tərkibi kalium, fol turşusu ilə
zəngin olan yerkökü şirəsiorqanizmin infeksiyalara müqavimətini
artırır, ürəyin, böyrəyin, qaraciyərin işini normaya salır.
Şaftalı şirəsi-tərkibi vitaminlərlə zəngin olan
şaftalı şirəsi bədənin xətəliklərə qarşı müdafiə mexanizmini
artırır, yuxusuzluğu aradan qaldırır, həzmi asanlaşdırır,
böyrəklərin və öd kisəsinin normal fəaliyyətinə kömək edir,
sidikqovucudur.Ürək xəstələrinə ələlxüsus tövsiyə edilir.
Gavalı şirəsi bağırsaq tıxaclarının qarşısını
alaraq qəbzliyi aradan qaldırır.Qanda şəkərin dərəcəsini aşağı
salır. Turş gavalının şirəsi şəkərli diabet xəstələrinə daha çox
məsləhət görülür.
Pomidor şirəsi az kalorilidir.S vitamini ilə
zəngindir.Zehni gücləndirir, əsasən də üzüm şirəsi ilə növbələnən
zaman daha tez təsir göstərir.
Feyxoa şirəsi qalxanvari vəzi xəstəliklərində çox
faydalıdır.Həmçinin pielonefrit və qastrit xəstələrinin qida
rasionuna daxil etmək çox faydalıdır.
Qarağat şirəsi sitrus şirələri kimi orqanizmi,
immuniteti möhkəmləndirir,piyləri əridir.
İtburnu şirəsi maddələr mübadiləsini
stimullaşdırır, orqanizmi infeksiyalara qarşı davamlı edir,
iştahanı artırır və s. Mədədəki ağrıları aradan
qaldırır,sidikqovucudur, həzmetməyə müsbət təsiri vardır.
Yemiş şirəsi: həzm sistemini tənzimləyir. Böyrək
və sidik kisəsinin fəaliyyətini tənzimləyir. susuzluğu yatırır və
bu zaman həm də əsəb sisteminə sakitləşdirici təsir edir.
Sidikqovucudur, atereskleroz, anemiya, böyrək, qaraciyər və sidik
kisəsi xəstəliklərində müalicəvi preparat kimi istifadə olunur.
Qarpız şirəsi: С, Е, В5 və digər vitaminlərlə
zəngindir. Həmçinin tərkibində pektin maddələri, fruktoza, qlukoza,
saxaroza, tiamin, riboflavin, karotin, fol turşusu, kalsium,
kalium, natrium, maqnium, dəmir və s. olan qarpız şirəsi
sidikqovucudur və maddələr mübadiləsinə kömək edir. Orqanizmin
ürək-damar və immun sisteminə lazım olan sitrulin də qarpız
şirəsinin tərkibində zəngindir.Böyrəyində daş olanlara çox içmək
tövsiyə olunur. Həzmetməni normallaşdırır, qəbizliyi aradan
qaldırır.
