Aparıcı və müğənni Murad Arif hesab edir ki, sevilən qadın olmağın heç bir şərti yoxdur. O, bildirib ki, sevgi tilsimdir və heç bir qayda-qanun tanımır.
Publika.az xəbər verir ki, “Üç nöqtə” layihəsinin qonağı bu həftə Murad Arif olub. Ulduz heç yerdə deməydiyi peşəmançılıqlarını, təəssüf hisslərini və aruzlarını “Üç nöqtə”də ifadə edib.
- İndiki ağlım olsaydı...
- Lap uşaqlıqdan musiqiyə başlayardım, ən başdan öz mahnılarımı yalnız özüm ifa edərdim.
- Zəmanət verə bilərəm ki...
- Şükür etməkdən yorulmaram.
- Dünyanı dəyişmək imkanım olsaydı...
- Özümüzdən başlayardım.
- Kişilər elə o qadına xəyanət etmir, hansını ki...
- Sevir!
- Seviləsi qadın olmağın ilkin şərti...
- Yoxdur belə bir şərt. Sevgi tilsimdir. Şərt tanımır.
- Qadınlar yaşını ona görə gizlədir ki...
- Özlərini gəlincik kimi təsəvvür etsinlər. Gəlinciklər qocalmır axı.
- Qadına qarşı şiddət...
- Kişinin acizliyidir.
- Vicdanıma and olsun ki...
- Pislik etmədən, yol kəsmədən, başqasının cibinə girmədən yaşayıram!
- Mən təəssüf edirəm ki...
- Xarici ölkədə (media və sənət üzrə) təhsil almadım.
- Vanqa nənə ilə görüşsəydim...
- Onunla bərabər, İnsanlara şəfqət və mərhəmət üçün dua edərdim.
- Tənhalıq insan üçün lənətdir, yoxsa ki...
- Zikr etməyə, şükür etməyə, Allahı eşitməyə fürsət.
- Ən böyük səhvim...
- Yeniyetməlik illərində, ixtisas və təhsilimlə bağlı verdiyim qərarlardır.
- Kiminsə yalan danışdığını hiss edəndə...
- Mane olmuram, sonadək dinləyirəm...
- Riyakarlıqla üzləşəndə...
- O adamlara olan etibarım birdəfəlik sona yetir.
- Tanrı insanları ona görə qeyri-bərabər yaradıb ki...
- Bir-birimizdən nümunə götürüb, daha yaxşı olmaq üçün yarışaq.
- Bəşəriyyətin gələcəyi haqqında fikirləşəndə...
- Tozdan yaranıb toza dönəcəyimizi görürəm.
- Günahlarım yadıma düşəndə...
- Əhv diləyirəm.
- Unuda bilmədiyim sevgilimə demək istəyirəm ki...
- Beləsi olmayıb.
- İlahi ədalətə inancımı o zaman itirdim ki…
- Bu mümkünsüzdür!
- Yaxşı gündə, pis gündə...
- Ailəm mənim Vətənimdir!
Aytən