İtaliyanın İskya adasında 3,6 bal gücündə zəlzələ baş verib.
APA-nın RİA Novosti agentliyinə istinadən verdiyi xəbərə görə, yeraltı təkanların episentri adanın qərb sahilində, ocağı isə 10 km dərinlikdə yerləşib.
Hadisə nəticəsində xəsarət alan və itkin düşənlərin olduğu bildirilir. Bir sıra yaşayış məntəqələrində dağıntılar qeydə alınıb.
Qeyd edək ki, 2016-cı il, avqust 24-də İtaliyanın Amatriçe şəhərində baş verən 6,0 ballıq zəlzələ nəticəsində 298 ölmüş, yüzlərlə insan yaralanmışdı, 3 minədək insan evsiz qalmışdı.