"Bakıya həmişə böyük məmnuniyyətlə gəlirəm. Mənim üçün
Azərbaycan Ukraynadan sonra ikinci doğma yerdir".
Publika.az bildirir ki, bu sözləri Azərtac-a müsahibəsində Bakıda
Qlobal Gənc Liderlər Forumunda iştirak edən ukraynalı müğənni,
2004-cü ildə “Eurovision” mahnı müsabiqəsinin qalibi, Ukraynanın
Xalq Artisti Ruslana söyləyib.
Müğənni bildirib ki, Azərbaycanda sənəti ilə əlaqədar
bir neçə layihə həyata keçirib:
"Azərbaycanla bağlı o qədər xoş xatirələrim var ki. Mən
azərbaycanlı artistləri tanıyıram, muğamı öyrənirəm. Bu qeyri-adi
musiqi mənim üçün böyük maraq kəsb edir və mənə çox yaxındır”.
Bakıya öz təcrübəsindən danışmağa gəldiyini qeyd edən
Ruslana deyib:
“Axı Qlobal Gənc Liderlər Forumu mövzusu çox vacibdir. Forum
ayrı-ayrı mədəniyyətləri və ölkələri təmsil edən müxtəlif formatlı
gənclərin müzakirə etdikləri qlobal problemlərin həlli üçün
platformadır. Hesab edirəm ki, Ukrayna ölkənin həyatını
yaxşılaşdırmaq işində, sosial innovasiyaların tətbiqi sahəsində öz
təcrübəsini bölüşə bilər. Axı ümumi məsələlərin həlli üçün birləşən
insanlar çox fəal olurlar”.
Öz yaradıcılığına da toxunan Ruslana qeyd edib ki, yeni layihəsi çərçivəsində yaxın vaxtlarda Bakıda bir neçə təqdimat keçirməyi planlaşdırır.