Bakı. 22 avqust. REPORT.AZ/ Rusiyanın İvanova vilayətində 2 yaşlı qızı öldürməkdə şübhəli bilinən azərbaycanlı qadına hökm oxunub.
"Report" Rusiya KİV-inə istinadən xəbər verir ki, azərbaycanlı qadın cinayət törətməkdə təqsirli bilinərək 12,5 il müddətinə azadlıqdan məhrum edilib.
Xatırladaq ki, cinayət 2016-cı ilin sentyabr ayında törədilib. İstintaq zamanı müəyyən olunub ki, qadın uşağı onun anasına qarşı münasibətinə görə öldürüb. Belə ki, qadının öldürdüyü uşaq həyat yoldaşının başqa qadından dünyaya gələn qızı olub.