“Gəncə Marafonu- 2017”də iştirak etmək üçün mindən çox insan qeydiyyatdan keçib

“Gəncə Marafonu- 2017”də iştirak etmək üçün mindən çox insan qeydiyyatdan keçib
13:32 22 Avqust 2017
159 Ölkə
Ölkə mətbuatı
A- A+

Bakı. 22 avqust. REPORT.AZ/ Heydər Əliyev Fondunun təşəbbüsü ilə sentyabrın 17-də təşkil olunacaq “Gəncə Marafonu - 2017”də iştirak üçün artıq mindən çox şəxs qeydiyyatdan keçib. 
Fondun mətbuat xidmətindən "Report"a verilən məlumata görə, “İradənlə tarix yaz”, “Marafonda bizimlə ol” şüarı altında regionlar arasında ilk dəfə keçiriləcək marafona qeydiyyat avqustun 14-dən başlayıb və sentyabrın 17-dək davam edəcək.
“Gəncə Marafonu - 2017”yə 16 yaşdan yuxarı hər kəs əvvəlcədən qeydiyyatdan keçərək qoşula bilər. 
Qeydiyyat aşağıdakı ünvanlarda aparılır:
1) “Azercell Telekom”un Gəncə şəhərindəki ofislərində
2)“Azercell Telekom”un Bakı şəhərindəki ofislərində
3)Gəncə "ASAN xidmət" mərkəzində
4)Azərbaycan Dövlət Aqrar Universitetində
5)Gəncə Dövlət Universitetində
6)Azərbaycan Dövlət Texnologiya Universitetində
7)Gəncədəki “Gənclər evi”ndə
8) Şəmkirdə RİİB-in ofisində
9) Yexlaxda RİİB-in ofisində
10) Tərtərdə RİİB-in ofisində
11) Şəkidə RİİB-in ofisində
Xatırladaq ki, “Gəncə Marafonu –2017” Heydər Əliyev Fondunun Regional İnkişaf İctimai Birliyi (RİİB) və Gəncə şəhər İcra Hakimiyyətinin dəstəyi ilə təşkil olunur. Marafonun eksklüziv tərəfdaşı “Azercell Telekom” şirkətidir. Layihənin icrasını isə Sport Marketing Group (SMG) şirkəti həyata keçirir. Regionda keçirilən ilk marafonda vəsaitlər Heydər Əliyev Fondunun Regional İnkişaf İctimai Birliyi tərəfindən qarşılandığından fiziki şəxslər və korporativ yarışmaçılar iştirak üçün heç bir ödəniş etmir. 
Marafon Gəncə şəhərində “Zəfər Tağı”ndan start götürərək Nizami Gəncəvi prospekti, Heydər Əliyev prospekti, Cavad xan küçəsi, “Gəncəçay” bulvarı, Şah İsmayıl Xətai prospekti boyunca davam edib Heydər Əliyev park kompleksinə qədər 17 kilometrlik məsafəni əhatə edəcək. Layihə regionlarda idmanın inkişafına dəstək, sağlam həyat tərzini, eləcə də Azərbaycanın ayrı-ayrı bölgələrində müxtəlif yaşda insanlar arasında xeyirxah amallar naminə həmrəylik ideyalarını təbliğ etmək məqsədi daşıyır.
“Gəncə Marafonu-2017”nin mükafatlandırma mərasimi iki kateqoriyada olacaq. Belə ki, marafonun kişi və qadın iştirakçıları ilk üç yer uğrunda mübarizə aparacaqlar.
Kişi və qadın kateqoriyalarının hər birində 1-ci yerin qalibi 3 000 AZN, 2-ci yerin qalibi 2 000 AZN, 3-cü yerin qalibi isə 1 000 AZN məbləğində mükafat və hədiyyələrlə, eləcə də medal və sertifikatlarla təltif olunacaqlar.
Marafonla bağlı yeniliklər, yarış ərəfəsində keçiriləcək məşqlər, qeydiyyat prosesi barədə ətraflı məlumat “Gəncə Marafonu–2017”nin rəsmi feysbuk səhifəsi - facebook.com/ganjamarathon və www.ganja.marathon.az saytında təqdim olunur.
Qeyd edək ki, “Gəncə Marafonu - 2017” ilə əlaqədar məlumat mərkəzi də fəaliyyət göstərəcək. Marafon iştirakçıları və tədbirlə maraqlananlar (012) 310 13 31 nömrəsi ilə əlaqə saxlayaraq, suallarını ünvanlaya bilərlər.

Xəbərin orijinal ünvanı: https://report.az/sosial-mudafie/gence-marafonu-2017-de-istirak-etmek-ucun-minden-cox-insan-qeydiyyatdan-kecib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR