Rusiyalı dünya və Avropa çempionu Andrey Draçyovun
qətlində şübhəli bilinən azərbaycanlı federal axtarışa verilib.
İran və Türkiyənin PKK terror təşkilatına qarşı birgə əməliyyatın
bəzi detalları ortaya çıxıb. Türkiyə prezidenti Rəcəb Tayyib
Ərdoğan Suriyada başqa bir dövlətin qurulmasına heç vaxt icazə
verilməyəcəyini bildirib. Rusiya və Türkiyə arasında S-400
zenit-raket sistemlərinin Türkiyəyə çatdırılması haqqında müqavilə
imzalanıb. Rusiya yaxın gələcəkdə Minsk razılaşmalarının qismən
icrasına gedə bilər. Koreya Xalq Demokratik Respublikası birgə
təlimlər keçirən ABŞ və Cənubi Koreyanı “amansız cəza” ilə
hədələyib.
Rusiya Dövlət Dumasında “Ədalətli Rusiya”
fraksiyasının sədr müavini Oleq Nilov Pauerliftinq üzrə dünya və
Avropa çempionu Andrey Draçyovun qətli haqqında işin şəxsi nəzarətə
götürülməsi xahişi ilə Rusiyanın baş prokuroru Yuri Çaykaya
müraciət edib. Oleq Nilov bildirib ki, davanın
iştirakçılarından biri döyüş bacarıqlarına malik idi və bu
vəziyyəti qəsdən öldürmə kimi xarakterizə etmək olar. Deputat
həmçinin şüursuz vəziyyətdə olan Draçyovun başına zərbələrin
vurulmasına diqqət çəkib.
Xatırladaq ki, avqustun 20-də səhər Andrey Draçyov Xabarovskda
kafenin qarşısında bir nəfərlə dalaşan zaman başından aldığı zərbə
nəticəsində xəstəxanada ölüb.
Dünya çempionunu öldürən azərbaycanlı Dövlət Dumasını AYAĞA QALDIRDI
Rusiyanın Ermənistanda yerləşən Cənub Hərbi
Dairəsinin (CHD) hərbi bazasının kəşfiyyat bölmələrinin hərbçiləri
ilk dəfə gücləri şərti düşmənin arxasına keçirmək üzrə təlimlərə
başlayıb. Təlimlərə Mi-24P hücum vertolyotu və Mi-8Mt
ordu aviasiyasının hərbi-nəqliyyat vertolyotu, eləcə də Rusiyanın
Cənubi Qafqazdakı hərbi birləşməsinin pilotsuz uçan aparatları cəlb
edilib.
Qeyd olunur ki, hazırlıq zamanı xüsusi təyinatlılar dəniz
səviyyəsindən 2 min metrdən çox yüksəklikdə yerləşən "Kamhud" və
"Alagöz" yüksək dağlıq poliqonlarında təlimatçıların vasitəsilə
təcrübədə şərti düşmənin arxasına desant keçirmək üzərində məşq
edirlər. Həmçinin vertolyotçularla xüsusi təyinatlılar qrupların
şərti düşmən xətlərinin arxasına standart çıxışı üzərində çalışır,
şərti düşmənin aşkar eedilməsi məqsədi ilə kəşfiyyat-axtarış
tapşırıqlarını yerinə yetirir.
Rusiyanın “Fontanka” nəşri şəxsi hərbi şirkət olan
“Vaqner qrupu”nun Suriyada itkilərini sübut edib.
Nəşrin yazdığına görə, 2016-cı il aprel-may aylarında Palmira
şəhərinin azad edilməsi üzrə əməliyyatın gedişatında qeyri-formal
hərbiləşdirilmiş təşkilatın təxminən 32 döyüşçüsü həlak olub, 80-ni
ağır yaralanıb.
“Fontanka”nın araşdırmasına görə, 2017-ci ilin əvvəlindən bu
yana 40-dan 60-a qədər muzdlu döyüşçü həlak oldu, 80-dən 180-ə
qədəri yaralanıb.
Döyüşçülərin ölüm faktları KİV-in xəbərləri və sosial
şəbəkələrdə qohumların statusları əsasında müəyyən edilib.
Qarabağa göndərilməsi planlaşdırılan “Məxfi ordu”: Moskva itkiləri GİZLƏDƏ BİLMƏDİ - FOTOLAR
Türkiyə prezidenti Rəcəb Tayyib Ərdoğan dünən İran
və Türkiyənin PKK terror təşkilatına qarşı birgə mübarizə apara
biləcəyini açıqladı. Onun sözlərinə görə, mövzu ötən
həftə Türkiyəyə səfər edən İran Silahlı Qüvvələrinin baş qərargah
rəisi general Məhəmməd Baqiri ilə danışıqlarda müzakirə edilib.
“Terror qruplaşmalarına qarşı birgə əməliyyat məsələsi həmişə
gündəlikdə dayanıb. Baş qərargah başçıları PKK-ya qarşı əməliyyatın
keçirilməsi məsələsini müzakirə etdilər. Bu istiqamətdə səylər
davam edəcək, çünki PKK-nın İranda PJAK adlı qolu var. Bu təşkilat
həm İrana, həm də bizə zərər vurur”, - Ərdoğan deyib.
Terror təşkilatına qarşı birgə əməliyyatın bəzi detalları ortaya
çıxıb.
İranlı generalla aparılan danışıqlarda 3 fərqli əməliyyat planı
müzakirə edilib.
Dörd aylıq müharibənin ŞİFRƏLƏRİ: Düşmən tamamilə MƏHV EDİLƏCƏK
“Suriyada başqa bir dövlətin qurulmasına heç vaxt
icazə verməyəcəyik”. Bunu Türkiyə prezidenti Rəcəb
Tayyib Ərdoğan Prezident Sarayında 39-cu muxtarlar toplantısında
çıxışında deyib.
“Biz bu vətəni bölməyə çalışanlara hər tərəfi məzar edərik”, -
prezident bildirib.
Kürdüstan dövlətini yaratmaq üçün Tehran və Ankaranı
bir-birindən uzaqlaşdırmaq lazımdır. Bunu
jurnalistlərə açıqlamasında İsraildən olan ekspert Martin Şerman
söyləyib.
“İran və Türkiyənin Kürdüstandakı referenduma qarşı birləşmsi
İsrail üçün çox qorxuludur. Doğrudur, İran-Türkiyə əlaqələri İsrail
ilə ərəb ölkələri arasındakı münasibətlərə yaxşı təsir edə bilər,
amma bu, həm də İranın müstəqil fəaliyyətini də artırmaq imkanına
sahibdir”, – deyə o bildirib.
Rusiya və Türkiyə arasında S-400 zenit-raket
sistemlərinin Türkiyəyə çatdırılması haqqında müqavilə
imzalanıb. Bunu “Rosoboroneksport” şirkətinin baş
direktoru Aleksandr Mixeyev bildirib.
Onun sözlərinə görə, müqavilə hələ qüvvələyə minməyib və bəzi
texniki nüanslar qalır.
İraq ordusu İŞİD terror təşkilatının müdafiə xəttini
yararaq Telafer şəhərinə girib. Bu haqda İraq Müdafiə
Nazirliyindən bildirilib.
Ordu şəhərin qərbindəki məhəllələrdə terrorçuların geri
çəkilməsinə nail olub. Mosul şəhərindən 50 kilometr qərbdə yerləşən
Telafer Suriya ilə sərhəddə terror qruplaşmasının son böyük qalası
hesab edilir. Sünni türkmanlar şəhər əhalisinin əksəriyyətini
təşkil edir.
Rusiya Liberal Demokratik Partiyasının sədri
Vladimir Jirinovski 2018-ci ildə keçiriləcək prezident seçkisində
iştirak edəcək. Bunu Jirinovskinin özü “Danışır
Moskva” radiosuna açıqlamasında söyləyib.
“Mən mütləq seçkidə iştirak edəcəyəm. Əgər hazırkı prezident
Vladimir Putin seçkidə iştirak etməsə, o zaman qələbə mənim
olacaq”, – deyə o bildirib.
Pakistan terrorçulara sığınacaq verir.
Bunu jurnalistlərə açıqlamasında ABŞ Prezidenti Donald Tramp
söyləyib. “Pakistan tez-tez xaos, terror agentlərinə sığınacaq
verir. İslamabadın siyasəti təhdid kəsb edir”, – deyə o
bildirib.
Qeyd edək ki, dünən ABŞ prezidenti Əfqanıstana əlavə hərbi
kontingentin göndərilməsi barədə fərman imzalayıb.
Koreya Xalq Demokratik Respublikası birgə təlimlər
keçirən ABŞ və Cənubi Koreyanı “amansız cəza” ilə
hədələyib. Bu haqda Koreya Xalq Demokratik
Respublikasının hərbi komandanlığının elan edilmiş bəyanatında
deyilir.
Pxenyan təlimlərı silahlı konfliktin məşqi kimi qəbul edib.
“Birləşmiş Ştatlar unutmalı deyil ki, bizim hərbi gücümüz
hərəkət etmək üçün hazır vəziyyətdədir. Dağıdıcı nəticələrə görə
məsuliyyət tamamilə bizimlə hərbi qarşıdurma yolunu seçən ABŞ-ın
üzərinə düşür”, - bəyanatda bildirilir.
Şimali Koreya həmçinin ABŞ-a məxsus Quam adasını necə məhv
edəcəyinə dair video hazırlayaraq, internet şəbəkəsinə
yerləşdirib.
Qeyd edək ki, “Ulchi Freedom Guardian” (UFG) adlı hərbi təlimlər
bazar ertəsi başlanıb və 10 gün davam edəcək. Təlimlərdə təxminən
50 min Cənubi Koreya və 17,5 min amerikalı hərbi qulluqçu iştirak
edir. Təlimlər mütəmadi olaraq ballistik raket sınağı keçirən
Şimali Koreyaya ünvanlanmış xəbərdarlıq kimi qiymətləndirilir.
ABŞ belə məhv ediləcək: Şimali Koreyadan AMANSIZ CƏZA - VİDEO
Rusiya prezidenti Vladimir Putin yaxın gələcəkdə
Minsk razılaşmalarının qismən icrasına gedə bilər. Bu
haqda Ukraynanın “Obozrevatel” nəşrinə “Center for Eastern European
perspectives in Washington D.C” təşkilatının direktoru Nikolay
Vorobyov deyib.
“Mümkündür ki, Rusiya qoşunların Donbasdan çıxarılması ilə
razılaşacaq və bunu Minsk razılaşmalarının öz üzərinə düşən
hissəsinin icrası kimi təqdim edəcək. Bundan sonra Ukraynaya
Donbasa xüsusi statusun verilməsi təklif ediləcək. Belə variant
bundan iki il əvvəl müzakirə edilirdi”, - Vorobyov qeyd edib.
Qoşunlar çıxarılır: Rusiyanı təslim olmağa məcbur edən SƏBƏBLƏR
Ömər Dağlı
Xəbərin orijinal ünvanı: http://publika.az/news/nida_tehlil/210718.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)