Bakı. 23 avqust. REPORT.AZ/ Hindistanda altı vaqonlu "Kaifiyat Express" sürət qatarı yük avtomobili ilə toqquşması nəticəsində relsdən çıxıb.
"Report"un məlumatına görə, bu barədə "ANİ" agentliyi xəbər verib.
Xəbərdə bildirilir ki, hadisə ölkənin şimalında, Uttar-Pradeş ştatında olub. Qəza nəticəsində 40-dan çox sərnişin xəsarət alıb.
Yerli hakimiyyət orqanları yaralıların sayını təsdiqləyiblər. Ölənlər barədə məlumat daxil olmayıb.
Hadisənin başvermə səbəbləri barədə məlumat verilmir.
