Çempionlar Liqasının qrup mərhələsi üçün səbətlərin tərkibi açıqlanıb. Fanat.Az xəbər verir ki, artıq bu mərhələnin 32 iştirakçısından 27-si bəllidi. Qalan 5 xoşbəxtin adı bu gecə keçiriləcək "play-off" mərhələsinin son oyunlarından sonra müəyyənləcəşək.
27 komandadan yalnız "Seltik"in yer alacağı səbət bəlli deyil. "Astana"nı keçən Şotlandiya klubu böyük ehtimalla 4-cü səbətə düşəcək. Bu "Liverpul"dan aslıdı. İngiltərə klubu "Hoffenhaym" səddini keçsə, "Seltik" 4-cü, əks halda 3-cü səbətdə yer alacaq. "Liverpul" səfərdəki ilk oyunda rəqibini 2:1 hesabı ilə yenib.
"Play-off"un qalan 4 cütlüyün qalibi 4-cü səbətə düşəcək. Onlardan biri "Kopenhagen" - "Qarabağ" cütlüyünün qalibi olacaq. "Qarabağ" ilk oyunda Danimarka klubunu 1:0 hesabı ilə yenib. Azərbaycan çempionu bu gün sərfəli nəticə əldə etsə, püşkatma zamanı ən zəiflərin yer aldıtı sonuncu səbətdə yer alacaq.
Çempionlar Liqası
Qrup mərhələsi
Səbətlər
I səbət: “Real”, “Bavariya”, “Çelsi”, “Yuventus”, “Benfika”, “Monako”, “Spartak” (Moskva), “Şaxtyor”.
II səbət: “Barselona”, “Atletiko”, PSJ, “Borussiya” (Dortmund), “Sevilya”, “Mançester Siti”, “Portu”, “Mançester Yunayted”.
III səbət: “Napoli”, “Tottenhem”, “Bazel”, “Olimpiakos”, “Anderlext”, “Roma”, “Beşiktaş”, “Liverpul” (İngiltərə) - “Hoffenhaym” (Almaniya) cütünün qalibi və ya “Seltik”.
IV səbət: “Feyenord”, “Maribor”, “Leypsiq”, “Seltik” və ya “Liverpul” (İngiltərə) - “Hoffenhaym” (Almaniya) cütünün qalibi, “Kopenhagen” (Danimarka) - “Qarabağ” (Azərbaycan) cütünün qalibi, “Slaviya” (Çexiya) - APOEL (Kipr) cütünün qalibi, “Styaua” (Rumıniya) - “Sportinq” (Portuqaliya) cütünün qalibi, ÇSKA (Rusiya) - “Yanq Boyz” (İsveçrə) cütünün qalibi
Fanat.Az