Bakı. 23 avqust. REPORT.AZ/ “Ali məktəblərin nəzdində hazırlıq qruplarının yaradılması ilə bağlı Nazirlər Kabinetindən Dövlət İmtahan Mərkəzinə layihə göndərilmişdi”.
“Report” xəbər verir ki, bunu DİM-in Direktorlar Şurasının sədri Məleykə Abbaszadə "ASAN Radio"ya müsahibəsində deyib.
Onun sözlərinə görə, DİM məsələ ilə əlaqədar öz təklif və rəyi bildirərək layihəni yenidən Nazirlər Kabinetinə qaytarıb: “Hökumət nə zaman bu qaydaları qəbul edəcək və müvafiq hüquqi əsas olacaq, onda da həmin qruplar fəaliyyətə başlayacaq”.