Tbilisi. 23 avqust. REPORT.AZ/ Gürcüstan hökuməti oktyabrın 21-də yerli özünü idarəetmə orqanlarına keçiriləcək seçkilər üçün 39 milyon lari maliyyə vəsaiti ayırıb.
“Report”un Gürcüstan bürosu xəbər verir ki, bunu ölkənin Mərkəzi Seçki Komissiyasının (MSK) mətbuat katibi Anna Mikeladze deyib.
Onun sözlərinə görə, seçkilərin keçirilməsi ilə yanaşı seçkilərlə əlaqədar treninqlərin təşkili və informasiya-təbliğat kampaniyası da bu vəsait hesabına yerinə yetiriləcək.
Mikeladze bildirib ki, istənilən siyasi partiya və maraqlı tərəf MSK-nın maliyyə hesabatı ilə tanış ola biləcək.