Bakı. 24 avqust. REPORT.AZ/ Birləşmiş Ştatların Sent-Luis şəhərində (Missuri ştatı) sürücü avtomobili xatirə aksiyasına toplaşmış insanların üzərinə sürüb.
"Report" TASS-a istinadən xəbər verir ki, bu barədə "Fox News" telekanalı məlumat yayıb.
Hadisə nəticəsində bir neçə nəfər xəsarət alıb.
Telekanalın məlumatına görə, zərərçəkənlər əzilmiş və sıyrılmış xəsarətləri alıblar.
Qəza çərşənbə axşamı silahlı müqavimət göstərdiyinə görə polis tərəfindən öldürülən yerli sakin Kivi Herrinqin xatirəsini anmaq üçün toplaşdıqları ərazi yaxınlığında baş verib.
