Bakı. 24 avqust. REPORT.AZ/ PSJ "Monako"nun hücumçusu Kilina Mbappenin transferinin son detallarını razılaşdırıb və tezliklə sövdələşməni rəsmən elan edəcək.
"Report" xəbər verir ki, bu barədə "Le Parisien" nəşri yazıb.
Məlumata görə, monakolular parislilərin son təkliflərini qəbul ediblər və Kiliana görə 150 milyon avro və bir oyunçu almalıdırlar.
Maliyyə feyr-pleyini pozmamaq üçün 222 mln. avro ödəmiş "qırmızı-göylər" bir sıra futbolçularını satmalıdır. Klubu Serj Orye, Atem Ben-Arfa, Qjeqoj Krıxovyak, Qonsalu Quedeş, Lukas Moura, Yulian Draksler və Anhel Di Mariya tərk edə bilər.
Bundan əvvəl Mbappenin klub ilə beş illik müqavilənin şərtlərini razılaşdırdığı məlumat verilmişdi.
