Bakıda hökm sürən qarlı hava şəraiti daha çox yol təsərrüfatında problemlər yaradıb.
Oxucular Trend-ə bildiriblər ki, paytaxtın ictimai nəqliyyatında ciddi problemlər müşahidə olunur. Bəzi istiqamətlərə, o cümlədən Yasamal yaşayış massivinə maşrut avtobusları, demək olar ki, işləmir.
Şahidlərin sözlərinə görə, bu vəziyyətdən sui-istifadə edən taksi sürücüləri isə qiymətləri həddindən artıq qaldırıblar.
"Bakı Metropoliteni" QSC-nin isə əvvəlcədən xəbər verdiyi kimi, metro gücləndirilmiş iş rejimində işləyir. Qatarların hərəkətində problem müşahidə edilmir.
Milli.Az
