Hadisə magistral yolda baş verib
Bakıda ağır yol qəzası baş verib. APA-nın məlumatına görə, hadisə Bakı-Salyan yolunun Qaradağ rayonu ərazisindən keçən hissəsində qeydə alınıb.
“Daewoo” markalı minik maşını yoldan çıxaraq dəmir səkiyə çırpılıb. Nəticədə iki nəfər ölüb, daha iki nəfər xəsarət alıb. Ölənlərin və yaralananların adları hələlik məlum deyil.
Hadisə yerinə polis əməkdaşları çıxıb.
