Əməliyyat zamanı baş vermiş atışma nəticəsində 2 nəfər ölüb, 20 nəfər yaralanıb
Parisdən 40 km aralıda yerləşən Dammartin-en-Qoel şəhərində atışma olub.
APA-nın RTL radiostansiyasına istinadən verdiyi məlumata görə, polislər “Charlie Hebdo” jurnalının redaksiyasına hücumda şübhəli bilinən şəxslərin olduğu maşını təqib edərkən odlu silahdan istifadə ediblər.
“Le Parisien” nəşri isə bildirir ki, Parisin Ena və Uaza departamentlərinin cənubunda “Charlie Hebdo” jurnalının redaksiyasına hücumda şübhəli bilinən şəxslərin saxlanılması üçün keçirilən əməliyyat zamanı atışma olub. Nəticədə 2 nəfər ölüb, 20 nəfər yaralanıb.