Azərbaycan, Bakı, 9 yanvar /Trend, müxbir İlkin İzzət/
Gürcüstan vətəndaşının avtomobili ilə Azərbaycan vətəndaşının traktorunun toqquşması nəticəsində Rusiya vətəndaşı ölüb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, yanvarın 8-də saat 20 radələrində Goranboy rayonunun Borsunlu kəndində Gürcüstan vətəndaşı Cavanşir Çavuşun idarə etdiyi “VAZ-21065” markalı avtomobillə Göygöl rayon sakini Ayaz Həsənovun idarə etdiyi “MTZ-80” markalı traktor toqquşub.
C.Çavuşun sərnişini - Rusiya Federasiyası vətəndaşı Sahib Mustafayev hadisə yerində ölüb, özü isə xəstəxanaya yerləşdirilib.
Faktla bağlı BDYPİ tərəfindən araşdırma aparılır.
Məqalə müəllifi ilə əlaqə ünvanı: agency@trend.az
