Bakı. Fuad Cəfərov – APA. Bakının Nərimanov rayonunda iki piyadanın xəsarət alması ilə nəticələn yol qəzası baş verib. APA-nın Daxili İşlər Nazirliyinin saytına istinadən verdiyi məlumata görə, yanvarın 8-də saat 19.00 radələrində paytaxtın Atatürk prospektində müəyyən edilməyən avtomobil tərəfindən yolu keçən Gəncə şəhər sakini Arzu Abdullayeva və Kürdəmir rayon sakini Elcan Abdullayev vurulub. Hər iki piyada xəstəxanaya yerləşdirilib. Nərimanov Rayon Polis İdarəsi tərəfindən araşdırma aparılır.