Bakı. Musa Əhmədov - APA-Economics. Bakı Beynəlxalq Avtovağzalı qarlı hava şəraiti ilə əlaqədar gücləndirilmiş iş rejiminə keçib.
“APA-Economics”in məlumatına görə, bu barədə Beynəlxalq Avtovağzal Kompleksinin növbə rəisi Məhəmməd Abdullayev məlumat verib.
Onun sözlərinə görə, ölkə ərazisində hava şəraitinin kəskin pisləşməsinə baxmayaraq, Bakıdan beynəlxalq və şəhərlərarası nəqliyyat reyslərinin yerinə yetirilməsində problem müşahidə olunmur: “Yalnız səhər saatlarında Bakıdan Naxçıvana getməli olan reys təxirə salınıb. Hazırda şəhərlərarası və beynəlxalq reyslər qrafik üzrə yerinə yetirilir”.