Zaqatalada qar bir sıra çətinliklərə yol açıb. Milli.Az Kanal S-ə istinadən bildirir ki, yolların qarla örtülməsi nəqliyyatın hərəkətinə maneə yaradıb.
Rayonun bəzi ərazilərində elektrik enerjisinin verilişində fasilələr yaranıb. Bu gün səhər saatlarından etibarən aidiyyatı qurumlar gücləndirilmiş iş rejiminə keçib. 17 saylı Yol İstismarı İdarəsinin texnika və canlı qüvvəsinin köməyi ilə nəqliyyatın intensiv hərəkət etdiyi ərazilər qardan təmizlənib. Rayonda qarın hündürlüyü bəzi yerlərdə 20-40 sm, dağlıq ərazilərdə isə 50 sm-ə çatır.
Milli.Az