[ 09 Yanvar 2015 15:38 ]
Bakı – APA. “Charlie Hebdo” jurnalının redaksiyasına hücumda şübhəli bilinən Səid və Şərif Kuaşi qardaşları şəhid kimi ölmək istədiklərini bəyan ediblər.
APA-nın məlumatına görə, bunu “iTele” telekanalının efirində Paris regionunun Sena və Marna departamentindən Fransa Milli Assambleyasına deputat seçilən İv Albarello deyib.
O bildirib ki, Kuaşi qardaşları bunu hüquq-mühafizə orqanlarının əməkdaşları ilə danışıqlar zamanı bəyan ediblər.
Hazırda onların həbsi məqsədi ilə Dammarten-an-Qoel şəhərində xüsusi əməliyyat keçirilir. CDT mətbəəsinin binasında olan qardaşlar polis tərəfindən mühasirəyə alınıblar. Onların bir nəfəri girov götürdükləri bildirilir.
