Azərbaycan, Bakı, 10 yanvar /Trend, müxbir İlhamə İsabalayeva/
Naməlum şəxslər Bakı sakinini hədələyərək maşını əlindən alıblar.
Trend Daxili İşlər Nazirliyinin saytına istinadən bildirir ki, yanvarın 10-da paytaxtın Binəqədi qəsəbəsinin ərazisində şəxsiyyəti məlum olmayan 2 nəfər Bakı şəhər sakini Natiq İsayevin idarə etdiyi “VAZ-2107” markalı avtomobilə sərnişin qismində oturub Ələt qəsəbəsinə gedəcəklərini bildiriblər.
Ələt qəsəbəsinin ərazisində onlar N.İsayevi bıçaqla hədələyərək avtomobili ondan alaraq gediblər.
Qaradağ Rayon Polis İdarəsi tərəfindən əməliyyat-axtarış tədbirləri aparılır.
Məqalə müəllifi ilə əlaqə ünvanı: agency@trend.az
