Azərbaycan, Bakı, 10 yanvar /Trend, müxbir İlhamə İsabalayeva/
Ötən gün respublikanın avtomobil yollarında 9 yol-nəqliyyat hadisəsi baş verib, nəticədə 4 nəfər ölüb, 15 nəfər yaralanıb.
Trend Daxili İşlər Nazirliyinin saytına istinadən bildirir ki, respublikanın daxili işlər orqanları tərəfindən gün ərzində 78 cinayət faktı qeydə alınıb, onların da 32-si “isti izlər”lə açılıb.
Cinayət Məcəlləsinin müxtəlif maddələri ilə axtarılan 8 nəfər tutularaq istintaq orqanlarına təhvil verilib.
Cinayət törətdiklərinə görə 32 nəfər tutulub.
Məqalə müəllifi ilə əlaqə ünvanı: agency@trend.az