1 ildə 10 milyard dollar qazandılar

1 ildə 10 milyard dollar qazandılar
03:41 11 Yanvar 2015
221 Digər
Ölkə mətbuatı
A- A+

"Apple" şirkətinin "App Store" əlavələr mağazası tərtibatçılarının əlavələrin satışından mədaxili 2014-cü ilin yekunları üzrə 10 milyard dolları ötüb.

ANS PRESS-in məlumatına görə, ABŞ istehsalçısı bildiri ki, ötən ilin yekunları üzrə mağazanın dövriyyəsi 50 faiz artıb. Şirkət onlayn əlavələr mağazasında 30 faizlik komissiya tutur. "App Store"da tərtibatçıların əlavə və oyunların satışından ümumi gəlirləri mağazanın istifadəyə verildiyi 2008-ci ildən 25 milyard dolları üstələyib. Bu barədə "ICTnews" elektron xəbər xidməti xəbər verir.

2015-ci ilin ilk həftəsində iOS mobil əməliyyat sisteminin idarəetməsi ilə işləyən qurğu istifadəçiləri mobil əlavələrə və quraşdırılmış alışlara 500 milyon dollar xərcləyib, yanvarın 1-də "App Store" tarixində gündüz satış həcminin rekordu müəyyənləşib.

"Apple" tərəfindən xeyriyyə fonduna (RED) köçürülən vəsaitlərin həcmi ötən rübün yekunları üzrə 20 milyon dollar təşkil edib. Dekabrda şirkət kampaniya keçirərək əlavələrin və quraşdırılmış alışların satışından əldə olunan vəsaitlərin bir qismini QİÇS ilə mübarizə üçün fonda köçürüb.

Məlumat üçün bildirək ki, "App Store" mağazasında "iPhone", "iPad" və "iPod Touch" qurğuları üçün 1,4 milyondan çox mobil əlavədən istifadə mümkündür ki, bunun da 725 mini məxsusi olaraq "iPad" üçün hazırlanıb. Proqramları dünyanın 155 ölkəsinin istifadəçiləri yükləyə bilər.

Xəbərin orijinal ünvanı: http://anspress.com/index.php?a=2&lng=az&cid=7&nid=318961

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR