Mario Balotelli "Juventus"a təklif olunsa da, Turin klubu hücumçunu almaqdan imtina edib. Bu barədə "Tuttosport" məlumat yayıb. Goal.az xəbər verir ki, Balotellinin agenti Mino Rayola forvardı 6 aylıq icarəyə götürmək üçün "Qoca sinyora" rəhbərliyinə müraciət edib və rədd cavabı alıb.
"Mario ilə birlikdə "Milan"da çalışmışam. O, futboldan kənarda özünəməxsus obraz formalaşdırıb və daha çox meydandan kənardakı hərəkətləri ilə yadda qalır. Balotellinin gözəl oyunçu keyfiyyətləri var. O, yalnız bəzi şeyləri qurban verməklə özünə kömək edə bilər. Balotellinin "Juventus"a gəlməsi? Mən həmişə istedadlı futbolçularla işləməyi sevmişəm. Amma Mario indi "Liverpool"da əhəmiyyətli oyunçu olmaq barədə düşünməlidir", - Turin klubunun baş məşqçisi Massimliano Alleqri dünən baş tutan mətbuat konfransında deyib.
Milli.Az