Azərbaycan, Bakı, 12 yanvar /Trend, müxbir İlkin İzzət/
Yuxarı Qarabağ kanalında batmış şəxsin cəsədi tapılıb.
Fövqəladə Hallar Nazirliyindən Trend-ə bildiriblər ki, yanvarın 9-da Yuxarı Qarabağ kanalının İmişli rayonu ərazisindən keçən hissəsində (ən yaxın xilasetmə məntəqəsindən 50 km aralı) “Mercedes” markalı minik avtomobili suya düşmüşdür.
Fövqəladə Hallar Nazirliyinin dalğıc-xilasediciləri tərəfindən avtomobildə olan sərnişinin axtarışlarına başlanılıb. Yanvarın 11-də 1993-cü il təvəllüdlü Əli Rəfail oğlu Şirinovun cəsədi dalğıc-xilasediciləri tərəfindən (batdığı yerdən 6 km aralıda) tapılaraq sudan çıxarılıb və aidiyyəti üzrə təhvil verilib.
Məqalə müəllifi ilə əlaqə ünvanı: agency@trend.az
