Bakı. Rüfət Əhmədzadə – APA. Böyük Britaniya ATƏT-in Ukraynadakı müşahidə missiyasını zirehli avtomobillərlə təmin edəcək. APA-nın ATƏT-in rəsmi saytına istinadən yaydığı məlumata görə, 10 ədəd zirehli avtomobil yanvarın 13-də ATƏT müşahidəçilərinin istifadəsinə veriləcək.
Mərasimdə ATƏT-in Ukraynadakı müşahidə missiyasının rəhbəri, səfir Ərtoğrul Apakan və Böyük Britaniyanın Ukraynadakı səfiri Saymon Smit də iştirak edəcəklər.
Böyük Britaniyanın missiyaya yardımına 10 (8 ədəd LC200 и 2 ədəd LC105) zirehli avtomobillə yanaşı, kommunikasiya avadanlıqları (10 AV Spares kits, 10 Motorola DM4601 VHF Radio и 10 Codan Envoy X1 HR Radios) da daxildir.