Paytaxt polisi VAZ oğrularını saxlayıb.
Bakı şəhər Baş Polis İdarəsindən ANS PRESS-ə verilən məlumata görə, Sabunçu RPİ 12 və 15-ci PB əməkdaşlarının keçirdikləri əməliyyat-axtarış tədbirləri nəticəsində, Amil Abışova, Əzim Ovçuyevə, Urşan Quliyevə məxsus VAZ 2107, Arif Məmmədova məxsus VAZ-2106 markalı avtomobilləri qaçırmaqda şübhəli bilinən şəxsləri saxlayıb.
Bakı şəhər sakinləri - 1992-ci il təvəllüdlü Rahədin Məmmədov, 1993-cü il təvəllüdlü Əhliman Səlimov, 1991-ci il təvəllüdlü Hüseyn Quliyev, Biləsuvar rayon sakini 1997-ci il təvəllüdlü Əmrah Əsgərli, Şərur rayon sakini 1996-cı il təvəllüdlü Əmrah Fərəcov tutulub.