Bakı. Aqşin Rafiqoğlu - APA-Economics. Ötən ilin dekabr ayında nəqliyyat sektorunda yükdaşıma tarifləri 0,1%, sərnişindaşıma tarifləri isə 2,6% bahalaşıb.
“APA-Economics”in Dövlət Statistika Komitəsinə istinadən verdiyi məlumata görə, ay ərzində hava nəqliyyatında sərnişindaşıma tariflərində MDB ölkələri üzrə 15,5%, digər xarici ölkələr üzrə isə 8,2% bahalaşma müşahidə olunub.
Dəmir yolu nəqliyyatında MDB ölkələrinə sərnişindaşıma tarifləri 8,7% bahalaşıb. Dekabr ayında boru kəməri vasitəsilə neftin nəql olunma tarifi 0,2% bahalaşıb.
Ay ərzində avtomobil nəqliyyatında və dəniz nəqliyyatında yükdaşıma və sərnişindaşıma tarifləri üzrə heç bir dəyişiklik müşahidə olunmayıb.