Layihədə 9 fəlsəfi suala 1 cümləlik cavablar veriləcək.

Bu dəfə müsahibimiz şair Aqşin Yensieydir.

- Niyə varsan?

- Başqa çıxış yolum yox idi.

- Niyə yox olacaqsan?

- Yenə başqa çıxış yolum olmadığına görə.

- Niyə yazırsan?

- Özümə yalan danışmağı sevirəm.

- Yaşamaq nədir?

- Ağrısız ölməyi bacara bilməmək vərdişi.

- Ölüm nədir?

- Doğuşdan alınan amansız qisas.

- Ədalət nədir?

- Belə bir şey yoxdur, olsaydı sual doğurmazdı.

- Azadlıq nədir?

- Məhkumların uydurması.

- Yaradıcılıq nədir?

- Təsadüfün zərurət olmaq canfəşanlığı.

- İnsan kimdir?

- Ağrı hissindən işgəncə yaradan dahi canlı.

Tural İsmayılov/Metbuat.az