7 may 2023 23:59
Türkiyənin "Qalatasaray" klubu heyətini yeni futbolçu ilə gücləndirməyə hazırlaşır.
Metbuat.az offsideplus.az-a istinadən xəbər verir ki, İstanbul təmsilçisi Portuqaliya "Sportinq"ində forma geyinən sağ cinah müdafiəçisi Hektor Bellerin üçün hərəkətə keçib.
Məlumata görə, "Cim-bom" rəhbərliyi 28 yaşlı ispaniyalı futbolçunu komandadan ayrılacağı gözlənilən Saşa Boeyə əvəzləyici olaraq görür. Artıq tərəflər arasında danışıqlar aparılır. "Qalatasaray" Bellerin üçün 8 milyon avro ödəməyə hazırdır.
Qeyd edək ki, təcrübəli futbolçu karyerası ərzində "Arsenal", "Barselona" kimi klublarda top qovub.