15 iyn 2023 14:26
Bu ilin yanvar-may aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 847,4mln. manatlıq məhsul istehsal edilib.
Metbuat.az xəbər verir ki, Dövlət Statistika Komitəsindən verilən məlumata görə, əvvəlki ilin müvafiq dövrü ilə müqayisədə rezin və plastik kütlə məmulatlarının istehsalı 16,5%, kimya sənayesi məhsullarının istehsalı 8,9% artıb, əczaçılıq məhsullarının istehsalı isə 16,4% azalıb.
Məlumata görə, hesabat dövründə kimya sənayesi məhsullarından etilen istehsalı 69,9%, polietilen istehsalı 66,7%, propen (propilen) istehsalı 58,1%, rezin və plastik kütlə məmulatlarından plastmas butulkalar, flakonlar və oxşar məmulatların istehsalı 2,5 dəfə, sərt plastmasdan borular, borucuqlar, qolçaqlar və şlanqların istehsalı 41,7%, plastmas çubuqlar, millər və profillərin istehsalı isə 21,6% artıb.
Azərbaycanda əsas kimya məhsullarının istehsalı dinamikası:
Məhsul növləri | 2023-cü ilin yanvar-may aylarında istehsal edilmişdir | Əvvəlki ilin müvafiq dövrünə nisbətən, faizlə | 01.06.2023-cü il vəziyyətinə hazır məhsul ehtiyatı |
Kimya sənayesi məhsulları | |||
Təsirsiz qazlar, min kub metr | 21256,4 | 145,8 | 35,4 |
ondan: | |||
azot, min kub metr | 9977,3 | 106,4 | 31,0 |
Lak-boya məmulatları, ton | 12851,1 | 117,9 | 161,8 |
Qeyri-üzvi kimyəvi maddələr, min ton | 13520,0 | 140,7 | 5750,0 |
ondan: | |||
yod, ton | 82,5 | 127,7 | 34,3 |
Üzvi kimyəvi maddələr, min ton | 388,9 | 105,7 | 34,6 |
ondan: | |||
etilen, min ton | 76,1 | 169,9 | 0,8 |
propen (propilen), min ton | 67,2 | 158,1 | 0,8 |
metanol (metil spirti), min ton | 170,3 | 74,0 | 24,6 |
Etil spirti, min dkl | 13,1 | 100,8 | 37,9 |
Gübrə və azot birləşmələri, min ton | 151,5 | 62,0 | 41,8 |
ondan: | |||
karbamid, min ton | 151,5 | 62,1 | 41,6 |
İlkin formada plastik kütlə, min ton | 142,0 | 169,0 | 31,6 |
ondan: | |||
polietilen, min ton | 75,2 | 166,7 | 14,1 |
Yapışqan və yapışdırıcı maddələr, min ton | 40,3 | 95,0 | 4,5 |